Tunniussisussaatitaaneq
Tunniussisussaatitaaneq sunaana?
Atuagaateqarfiit pillugit Inatsisartut inatsisaat nr. 8, 8. juni 2014-imeersoq malillugu § 21 tunniussisussaatitaaneq pillugu ima allaqqasoqarpoq:
”Atuakkanik, aviisinik, atuagassianik, ukiumoortumik nalunaarusianik, kiisalu cd-rominik, videonik, dvdnik naalaagassanik saqqummiunneqartussanik naammassillugit suliaqartut, saqqummiussaminnik tamarmik immikkut pingasunngorlugit Nunatta Atuagaateqarfianut tunniussisussaapput”.
Tunniussisussaatitaanermut piumasaqaammut tunuliaqutaasoq tassaavoq Kalaallit Nunaanni nunani allanisulli saqqummersinneqartunik tamanik tammatsaaliuerusunneq.
Saqqummersinneqarsimasut tamaasa pingasunngorlugit Groenlandicamut tunniunneratigut piorsarsimassutsikkut kingornussarsiarititassat kingulissanut pingaaruteqartorujussuit qulakkeerneqassapput.
Tunniussisussaatitaaneq malillugu uunga nassiunneqassapput/tunniunneqassapput:
Groenlandica
Manutooq 1
Postboks 1074
3900 Nuuk